Cyhoeddi Stephen Geraghty fel Comisiynydd cyntaf y Comisiwn Cynhaliaeth Plant a Gorfodaeth (C-MEC)
09/01/2008
Heddiw cyhoeddodd yr Ysgrifennydd Gwladol dros Waith a Phensiynau, Peter Hain, bod Stephen Geraghty wedi cael ei benodi
yn Ddarpar Gomisiynydd i'r Comisiwn Cynhaliaeth Plant a Gorfodaeth newydd.
Daw Stephen Geraghty â gallu a phrofiad eang o'r sector preifat a'i swydd bresennol fel Prif Weithredwr yr Asiantaeth Cynnal Plant (CSA), sydd wedi gweld gwelliannau sylweddol o dan ei arweinyddiaeth.
Ers cymryd yr awenau drosodd ar gyfer y CSA yn 2005 mae eisoes wedi rhoi llawer o welliannau ar waith sydd wedi arwain at gynnydd o 129,000 i'r nifer o blant sy'n derbyn cynhaliaeth neu sydd ag asesiad cynhaliaeth mewn grym. Mae'r nifer hwn bellach yn 674,000. Mae'r CSA hefyd ar y llwybr iawn i gwrdd a'u targed o gasglu £970 miliwn o gynhaliaeth erbyn Mawrth 2008.
Wedi arwain cryn newid yn y CSA prif her Stephen Geraghty yn ystod y cyfnod trosglwyddo fydd i wireddu potensial y ddeddfwriaeth newydd er mwyn sicrhau mwy o arian i fwy o blant a gwneud yn siŵr y gwneir y gorau o'r manteision a ddaw o statws annibynnol CMEC.
Dywedodd Peter Hain:
Rwy'n falch iawn o gyhoeddi penodiad Stephen Geraghty fel Darpar Gomisiynydd y Comisiwn Cynhaliaeth Plant a Gorfodaeth newydd. Mae eisoes wedi profi ei hun drwy wella perfformiad y CSA ers ymuno â hwy yn 2005. Mae hefyd wedi gweithio'n agos iawn gyda Syr David Henshaw ar yr adolygiad o'n polisi sydd wedi arwain at greu'r comisiwn newydd a nawr mae'n cyfrannu at ddatblygu'r ddeddfwriaeth newydd o flaen y Senedd. Credaf y bydd ei benodiad, ynghyd â phenodiad Janet Paraskeva fel y Darpar Gadeirydd, yn cynnig arweinyddiaeth brofiadol ac ymroddedig i'r Comisiwn fydd yn fwy na pharod i gwrdd â'r her o daclo tlodi ymhlith plant.
Dywedodd Janet Paraskeva, a benodwyd yn Ddarpar Gadeirydd yn ôl ym mis Tachwedd:
Edrychaf ymlaen yn fawr at weithio'n agos gyda Stephen - bydd ei allu, ei ynni a'i brofiad yn werthfawr iawn wrth helpu i gwrdd â phob her sy'n wynebu'r Comisiwn.
Dywedodd Stephen Geraghty:
Rwyf wrth fy modd fy mod wedi cael fy mhenodi fel Comisiynydd cyntaf y Comisiwn Cynhaliaeth Plant a Gorfodaeth. Mae'r Comisiwn hwn yn cynrychioli cyfnod newydd yn hanes cynhaliaeth plant. Mae'n rhoi'r rhyddid gweithredol i ni ddatblygu gwasanaethau newydd er mwyn cefnogi rhieni a'u hannog i gymryd mwy o gyfrifoldeb dros eu plant. Bydd pasio'r mesur cynhaliaeth plant drwy'r Senedd, o'r diwedd, yn rhoi'r math o gynllun polisi sydd ei angen er mwyn gwneud gwahaniaeth i fwy o blant. Ond bydd rhaid i'r gwelliannau rydym eisoes wedi eu gwneud barhau i ganolbwyntio ar y trosglwyddiad i'r Comisiwn newydd.
Nodiadau i Olygyddion
- Mae Stephen Geraghty wedi bod yn Brif Weithredwr y CSA ers 2005.
- Mae ei swyddi blaenorol yn cynnwys Cyfarwyddwr Rheoli'r Grŵp Green Flag a UK Insurance, Cyfarwyddwr Rheoli'r Adran Gymorth i'r Grŵp Direct Line a Chyfarwyddwr Rheoli Gwasanaethau Ariannol Direct Line.
- Cafodd y Mesur Cynhaliaeth Plant a Thaliadau Eraill ei gyflwyno yn Nhŷ'r Cyffredin ym Mehefin ac mae nawr wedi cwblhau camau'r Cyffredin. Cychwynnodd apwyntiad Stephen Geraghty ar 1 Ionawr 2008 a bydd ar sail ddarpar hyd nes caiff y Mesur ei gymeradwyo gan y Senedd.
- Penodwyd Stephen Geraghty ar ei deilyngdod yn dilyn cystadleuaeth agored am y swydd.
- Yn Ebrill 2006 lansiodd y CSA Gynllun Gwella Gweithredol dros gyfnod o dair blynedd er mwyn trawsnewid eu gwasanaeth i gleientiaid. Roedd y cynllun, a ddatblygwyd ar sail oedd yn canolbwyntio ar bwynt isaf ym mherfformiad yr Asiantaeth, wedi cyrraedd hanner ffordd ym mis Medi 2007 pryd y darparwyd adroddiad ar ei lwyddiant. Mae'r tablau isod yn rhoi manylion o gynnydd yr Asiantaeth yn erbyn eu targedau:
| Canlyniadau Cynhaliaeth - patrymau perfformio dros bum mlynedd | ||||||
|---|---|---|---|---|---|---|
| Mesur Perfformiad | 2005 Gwir | 2006 Gwir | 2007 Gwir | 2008 Targed | 2009 Bwriad | Sefyllfa ar ddiwedd Medi 2007 |
| Nifer o blant sy'n elwa Chwarter yn diweddu 31 Mawrth |
537,000 |
597,000 |
642,000 |
720,000 |
790,000 |
674,000 |
| Achosion yn derbyn cynhaliaeth 'Cynhaliaeth Uniongyrchol' neu'r gwasanaeth casglu Chwarter yn diweddu 31 Mawrth | 385,000 |
433,000 |
471,000 |
520,000 |
579,000 |
498,000 |
| Canlyniadau Cynhaliaeth achosion sydd ag atebolrwydd cyfredol ac sy'n derbyn cynhaliaeth yn y Chwarter yn diweddu 31 Mawrth |
59% |
61% |
62% |
66% |
69% |
62% |
| Cynhaliaeth a gasglwyd neu a drefnwyd yn y Flwyddyn yn diweddu 31 March | £793m |
£830m |
£891m |
£970m |
£1080m |
£925m |
| Gwasanaeth Cleientiaid - Patrymau perfformio dros bum mlynedd | ||||||
|---|---|---|---|---|---|---|
| Mesur Perfformiad | 2005 Gwir | 2006 Gwir | 2007 Gwir | 2008 Targed | 2009 Bwriad | Sefyllfa ar ddiwedd Medi 2007 |
| Prosesu Ceisiadau % o geisiadau cynllun newydd wedi clirio erbyn 31 Mawrth o fewn: 12 wythnos (derbynwyd yn Rhagfyr) 18 wythnos (derbyniwyd yn Hydref) 26 wythnos (derbyniwyd yn Medi) |
30% 36% 46% |
53% 61% 67% |
61% 63% 78% |
65% 80% 85% |
80% 85% 90% |
74% (Mehefin 07) 83% (Ebrill 07) 87% (Mar 07) |
| Ceisiadau cynllun newydd heb eu clirio ar 31 Mawrth |
225,900 |
221,200 |
155,900 |
140,000 |
90,000 |
128,000 |
| Ffonio Amser ateb o'r ciw ar gyfartaledd dros flwyddyn % of alwadau a gollwyd yn y flwyddyn hyd at 31 Mawrth |
1 munud 40 eiliad 16% |
59 eiliad 9% |
26 eiliad 3% |
Llai na 30 eiliad Llai na 5% |
Llai na 30 eiliad Llai na 5% |
(Ebrill - Medi) 21 eiliad 2% |
