Beth yw profi DNA?
Mae DNA yn golygu asid diocsiriboniwclëig ac mae i'w gael yn bron iawn bob un cell yn y corff dynol.
Mae DNA yn cynnwys y cod sy'n penderfynu pa nodweddion sydd gan berson. Gellir defnyddio samplau o DNA i weld os yw pobl yn perthyn ac i brofi os yw person yn rhiant i blentyn.
Gall prawf DNA naill ai:
- profi 100% nad yw person yn rhiant i blentyn
- dangos tebygolrwydd o 99.99% bod person yn rhiant i blentyn.
Nid oes dau berson yn y byd efo DNA yr union yr un fath, oni bai am efeilliaid unfath (genedigaeth luosog). Os enwir person sydd yn un o efeilliaid unfath yn rhiant i blentyn, ni all prawf DNA ddweud pa un o'r efeilliaid yw'r rhiant - gall ddim ond profi bod un ohonynt yn rhiant, neu nad yw'r ddau ohonynt yn rhiant.
Pryd fydd y CSA yn defnyddio prawf DNA?
Byddwn yn defnyddio profi DNA os na allwn dybio pwy yw rhiant plentyn. Fe wnawn gyfweld â'r person a enwir yn rhiant i'r plentyn a'r rhiant â gofal, a byddwn yn gofyn i bawb gymryd prawf DNA.
Bydd angen i'r person a enwir fel y rhiant a'r rhiant â gofal gytuno i gymryd y prawf. Bydd angen i'r rhiant â gofal gytuno i'r plentyn gymryd y prawf, oni bai bod y plentyn dros 16 oed pan allant roi eu caniatâd eu hunain.
Bydd yr holl wybodaeth a roddir i'r cwmni DNA, a'r canlyniadau yn gyfrinachol. Fel arfer, dim ond i ni, y rhiant â gofal a'r person a enwir fel rhiant y plentyn y rhoddir y canlyniadau. Fodd bynnag, mewn rhai achosion, gellir rhoi'r wybodaeth i lys er mwyn eu helpu i wneud penderfyniad.
Top y dudalenGwybodaeth berthnasol
- Darllenwch ein taflen "Sut caiff cynhaliaeth plant ei gweithio allan?" [941Kb]
