Os nad yw rhieni dibreswyl yn talu

Os nad yw'r rhiant dibreswyl yn talu'r swm cywir o gynhaliaeth plant ar yr amser cywir, byddwn yn cymryd camau i gael unrhyw arian sy'n ddyledus i'r rhiant â gofal neu'r Llywodraeth.

Os ydych yn rhiant dibreswyl a'ch bod yn gwybod y byddwch yn hwyr yn gwneud taliad, dylech ddweud wrthym ar unwaith.

Os yw rhiant dibreswyl yn talu cynhaliaeth plant drwom ni, gallwn gymryd camau gorfodi cyn gynted ag y byddwn yn ymwybodol eu bod wedi methu taliad.

Os cytunodd y ddau riant y byddai'r rhiant dibreswyl, ar ôl gwneud cais i ni, yn gwneud taliadau'n uniongyrchol i'r rhiant arall a bod y rhiant dibreswyl yn methu â chadw at y trefniad hwn, gall y rhiant â gofal gysylltu â ni a gofyn i ni weithredu.

I ddechrau, byddwn yn ceisio cysylltu â'r rhiant dibreswyl dros y ffôn. Os na allwn gysylltu â nhw dros y ffôn, byddwn yn anfon llythyr atynt i'w rhybuddio y gallwn ddechrau cymryd camau gorfodi yn eu herbyn, oni fyddant:

yn gwneud cytundeb i dalu'r swm llawn o gynhaliaeth plant maent wedi ei fethu
yn cadw at y cytundeb maent eisoes wedi ei wneud.

Mae ganddynt wythnos i ymateb i'n rhybuddion. Os nad ydynt yn ymateb, gallwn gymryd camau gorfodi pellach i adennill yr arian sydd arnynt i'w plant. Mae'r camau y byddwn yn eu cymryd yn dibynnu ar amgylchiadau pob achos, ond gall gynnwys:

cymryd arian yn uniongyrchol o enillion y rhiant dibreswyl os ydynt mewn cyflogaeth,
cymryd symiau o'u cyfrifon banc neu gymdeithas adeiladu, a
cymryd camau trwy'r llysoedd.

Gall cymryd camau trwy'r llysoedd fod yn gostus a gallai olygu y bydd y rhiant dibreswyl yn:

gorfod talu eu costau cyfreithiol eu hunain a'n rhai ni yn ogystal ag unrhyw gynhaliaeth plant sy'n ddyledus ganddynt
colli eu trwydded gyrru am hyd at ddwy flynedd, neu
hyd yn oed fynd i'r carchar.

Gallwn hefyd gymryd camau trwy'r llysoedd os bydd rhiant dibreswyl yn osgoi talu cynhaliaeth plant drwy:

methu â rhoi gwybodaeth i ni pan ofynnwn amdani, neu
yn rhoi gwybodaeth i ni y gwyddant i fod yn ffug.

Gallwn fynd â hwy i'r llys ac os cânt eu dyfarnu yn euog, gallant gael dirwy o hyd at £1,000.

Mae'r rhain yn droseddau ac maent yn gymwys i unrhyw un sy'n rhoi gwybodaeth anghywir i ni yn fwriadol neu'n gwrthod darparu'r wybodaeth sydd ei hangen arnom i weithio'r gynhaliaeth plant allan.

Gallwch ddod o hyd i fwy o wybodaeth am ein pwerau yn ein adran gorfodi.

Top y dudalen

Gwybodaeth berthnasol

[an error occurred while processing this directive]

Tools

Cyfrifydd cynhaliaeth y cynllun newydd