Hafan › Beth yw cynhaliaeth plant? › Sut mae cynhaliaeth plant yn helpu
Sut mae cynhaliaeth plant yn helpu
Mae'r adran hon yn rhoi gwybodaeth a help i rieni
- sydd yn y broses o wahanu neu ysgaru, neu
- unrhyw un sy'n ymwneud â baban a aned i fam sydd er ei phen ei hun.
beth bynnag fo'r amgylchiadau sydd wedi arwain at fod ar eich pen eich hunan, gall gorfod trefnu am y dyfodol fod yn anodd.
Efallai y bydd yn rhaid i chi wneud penderfyniadau anodd ac ystyried rhai materion pwysig am y tro cyntaf. Gallai hyn gynnwys gwneud yn siŵr fod gennych ddigon o arian i fyw arno, beth rydych am ei wneud ynglŷn â'ch plant a phenderfynu beth i'w wneud gyda'ch cartref a'ch eiddo.
Mae nifer o wefannau, taflenni, llinellau ffôn a chyrff cynorthwyo ar gael i'ch helpu pan fo perthynas yn chwalu. Ond weithiau gall fod yn gymhleth iawn ceisio dod o hyd i'r atebion hyn.
Trwy'r wefan hon, anelwn at eich helpu i ddod o hyd i'r atebion sydd eu hangen arnoch. Ceir gwybodaeth yma am y gwahanol ffyrdd y gallwch chi a'ch cyn bartner ddod i gytundeb ar gyfer talu a chael cynhaliaeth plant - yr arian sy'n rhaid i'r rhiant absennol ei dalu i'r rhiant â gofal er mwyn helpu gyda'r costau o fagu plant. Mae'n cynnwys gwybodaeth am:
- pobl y gallwch gysylltu â hwy am fwy o wybodaeth a help
- rhestr wirio yn cynnwys pethau y dylech eu hystyried
- beth yw eich opsiynau ar gyfer talu neu gael cynhaliaeth plant, gan gynnwys defnyddio'r CSA
- cyfrifydd cynhaliaeth plant ar-lein i'ch helpu i wneud y penderfyniad gorau yn eich sefyllfa chi.
Gwybodaeth berthnasol
- Darllenwch ein taflen "Beth yw cynhaliaeth plant a sut mae'n effeithio arnaf fi?" [941Kb]
