Yn yr adran hon:

• Sut mae cynhaliaeth plant yn helpu
• Pethau i gyplau eu hystyried wrth wahanu
• Pwy i ddweud wrthynt am newid mewn amgylchiadau

---

Hafan › beth yw cynhaliaeth plant? › Pwy i ddweud wrthynt am newid mewn amgylchiadau

Wrth bwy i ddweud am unrhyw newid

Rhestr wirio: pwy i ddweud wrthynt am newid i'ch bywyd

Pan fo perthynas yn dod i ben, gall sawl peth newid. Efallai y bydd yn rhaid i chi symud, ac er nad ydych yn symud gallech orfod dechrau cymryd cyfrifoldeb dros dalu'r biliau. Gall eich sefyllfa ariannol newid, gyda symiau gwahanol o arian yn dod i mewn ac yn mynd allan. Golyga hyn bod nifer o bobl a chyrff y dylech ddweud wrthynt am y newid i'ch bywyd.

Eich arian:

Dylech ddweud wrth:

eich landlord neu fenthyciwr morgais

adran treth cyngor eich awdurdod lleol

eich banc neu gymdeithas adeiladu

unrhyw gredydwyr sydd gennych (fel cwmnïau sydd gennych gerdyn credyd neu fenthyciad â hwy)

y swyddfa Credydau Treth os ydych angen gwneud cais am gredydau treth am y tro cyntaf neu os ydych eisoes yn derbyn credydau treth

Y Ganolfan Byd Gwaith os ydych chi neu'ch partner yn cael budd-daliadau

eich awdurdod lleol os ydynt yn talu eich budd-dal plant

y Gwasanaeth Anabledd a Gofalwyr os ydych yn cael lwfans gweini neu lwfans byw i'r anabl

Eich gwaith

Dylech ddweud wrth:

eich cyflogwr. Yr unig bethau penodol sy'n rhaid i chi ddweud wrth eich cyflogwr amdanynt yw eich cyfeiriad a manylion eich perthynas agosaf, os ydynt wedi newid. Ond, gallai fod o help i roi gwybod i'ch cyflogwr am y newid i'ch sefyllfa bersonol fel eu bod yn ymwybodol eich bod yn mynd trwy gyfnod anodd er mwyn iddynt allu cymryd hynny i ystyriaeth.

Eich cartref

Dylech ddweud wrth:

cwmnïau cyfleusterau, yn cynnwys dŵr, nwy, trydan a'r ffôn (os na fydd y person a enwir ar y bil bellach yn ei dalu neu od ydych yn symud i mewn i gartref newydd.)

eich cwmni yswiriant

Swyddfa'r Post® os byddwch angen ail gyfeirio eich post

y DVLA (Yr awdurdod trwyddedu gyrrwyr a cherbydau) os ydych angen newid manylion eich cyfeiriad ar eich trwydded yrru neu ddogfennau cofrestru cerbyd

Trwyddedu teledu i newid manylion eich cyfeiriad ar eich trwydded deledu

Y Gwasanaeth Hunaniaeth a Phasport os ydych angen newid eich enw a chyfeiriad ar eich pasport

eich teulu a ffrindiau er mwyn iddynt allu bod yn gefn i chi.

Eich plant

Dylech ddweud wrth:

ysgolion eich plant. Yr unig bethau penodol y dylech ddweud wrth ysgolion eich plant amdanynt yw eich cyfeiriad a manylion eich perthynas agosaf os ydynt wedi newid. Ond, gallai fod o help i roi gwybod i athrawon eich plant bod eich sefyllfa gartref yn newid, gan y gall chwalu perthynas rhieni weithiau effeithio ar ymddygiad plant yn yr ysgol.

Eich iechyd

Dylech ddweud wrth:

eich meddyg a'ch deintydd er mwyn newid manylion eich cyfeiriad a'ch perthynas agosaf (os ydych yn symud)

I brintio'r dudalen hon: dewiswch "File" o'r bar dewislenni ac yna"Print". Bydd bocs printio yn ymddangos, dewiswch "Print"i gadarnhau eich bod eisiau printio'r dudalen.

Gwybodaeth berthnasol

• Darllenwch ein taflen "Beth yw cynhaliaeth plant a sut mae'n effeithio arnaf fi?" [941Kb]
  
  

Offer