Os ydych yn rhiant â gofal neu'n rhiant dibreswyl, gallwch wneud cais ar unrhyw adeg i ofyn i ni weithio cynhaliaeth plant allan a sefydlu trefniadau ar gyfer talu.
Cynhaliaeth plant a budd-daliadau
Os ydych yn rhiant â gofal sy'n cael Cymhorthdal Incwm neu Lwfans Ceisio Gwaith yn seiliedig ar incwm, bydd eich cais hefyd yn cael ei drin fel cais am gynhaliaeth plant. Fodd bynnag, ni fyddwch yn cael taliadau cynhaliaeth plant llawn yn ogystal â'ch Cymhorthdal Incwm neu Lwfans Ceisio Gwaith yn seiliedig ar incwm. Mae hyn oherwydd bod y Llywodraeth yn cadw rhywfaint o'r arian a delir fel cynhaliaeth i wneud i fyny am yr arian a delir fel budd-daliadau.
Yn hytrach, byddwch yn cael pa fudd-daliadau bynnag y mae gennych hawl iddynt, a phremiwm cynhaliaeth plant; swm o hyd at £10 yr wythnos o unrhyw gynhaliaeth plant y mae'r rhiant dibreswyl yn ei thalu.
Gallwch gael gwybod mwy am beth sy'n digwydd os yw'r rhiant â gofal yn derbyn budd-daliadau ond nad ydynt eisiau gwneud cais am gynhaliaeth.
Plentyn yn Yr Alban
Gall plentyn yn Yr Alban sydd dros 12 mlwydd oed ond yn llai na 19 oed ac mewn addysg llawn amser (neu i fyny at Safon Uwch) wneud cais i ni. Am fwy o wybodaeth ewch ceisiadau gan blant.
Gwybodaeth berthnasol
- Darllenwch ein taflen "Beth yw cynhaliaeth plant a sut mae'n effeithio arnaf fi?" [941Kb]
